أمسيات الحسن. .9/ 9/ 2023
( كل الحكاية يومين )
بقلم الشاعر: حسن حلمى
يا شارب الكاس ما تقولي
طعم المرارة فين
يادوب شوية وجع
شقوا الضلوع نصين
عشرة سنين يا جدع
والقلب كان بحنين
وتقول علينا كلام
بس الكلام ده لمين
يادوب لواحد خسيس
زيك يعيشله يومين
ابن الأصول يا جدع
ما يهاب من الايمين
كلمة وقالوها الكبار
عمر الحديد ما يلين
الا بحضن الرماد
يمشي عليه لسنين
والجمر ياكل بلحمه
وما ينغرز بالطين
ماشين سنين وسنين
والرأس على الكفين
وما نطاطي يوم
للشوارب
حتى ولو فيهم مين
احنا الاصل يا جدع
والباقى دول خاينين
لملم جراحك بعيد
وخلينا للحلوين
اصل الجدع يا جدع
حسنه بطبعه زين
وما يلوم على اللى
انخدع
ويسمع كلامك زين
طبع الرجال يا جدع
ما يلوموا دول خاينين
كل الحكاية يومين
والضحكة تعلى لمين
بقلم الشاعر : حسن حلمى
ليست هناك تعليقات:
اضافة تعليق