#هو_الأمان_راح_فين ؟!
هو الأمان راح فين ؟!
وَاحشنا من فَترة
غايب بقاله سنين
الخوف تكون هِجرة
كنا زمان عايشين
أيامه كات خَضرة
والخير مغطي الدار
بيمد زي اللوف
نقطف فرح نختار
صحن المحبة يطوف
لا فيه نِخّون جار
أو كان يِهوّب خوف
كان فيه أدب لِكْبار
وقلوبنا كات بتشوف
بتصون شعور الناس
والكلمة كات شافية
بتزق في الخناس
كان فيه زمان عافية
الضعف نخور ليه
في الجسم دلوقتي
ماعاد حنان يرويه
جانا الأسى يِشتي
شفنا الأمان في جنيه
يا نية حَوّدتي
قِستي الرجولة بيه
يا عَامْية إيه شُفتي؟!
باع واشترى فينا
وفرق الأحباب
لا شفنا بيه مينا
أو راحة دقت باب
الوحدة تكوينا
ونعيشها كالأغراب
هو الأمان راح فين
واللمة والعافية ؟!!
ياريت تشوفه العين
وتعود سنين دافية
تبعت حنانها يعين
قلوبنا م الكافية
الشوك على الشطين
والروح عليه حافية
الروح عليه حافية
______________
#سماح_خليفة
ليست هناك تعليقات:
اضافة تعليق