ياعينى عليك يا نفسى
خواطر : عادل رشوان أبوعيطة
يا عيني عليك يا نفسى
راحوا حبايبك من زمان
وبقيتِ بين البشر وحيدة
لاضهر لكِ ولا سند
ولا حد يشد أزرك
و يهون عليك جفا السنين
ولا إيد تملس علي الوجع
الكل نهش فيك بطمع
ولارحم فيك ألم
ولا سأل عليك يوم
آه عليك يا نفسى
جبت الطبيب يداويك
من شدة وجع السنين
صرف لك دواء غالى
ونجيب منين التمن
ما الجيب خلاص فاضى
فزاد الوجع وجعين
و النفس اتكتم ما عاد طالع
ليست هناك تعليقات:
اضافة تعليق