الأحلام
خواطر / عادل رشوان أبوعيطة
كل أحلامنا مخنوقة
محبوسة جوه نفوسنا
والصوت طالع مكتوم
بكلام غير مفهوم
حتى لغة العيون
ما عاد لها وجود
ما عماها كتر البكاء
عاوزين نعيش حياتنا
ونبنى قصور أحلامنا
ولو قصور من رمال
على شط موجه عالى
مده يهد وجزره يشد
ريحه عواصف
مطره سيول
كفايه إن حلمى
زارنى فى عمرى لحظة
حققت فيه ومضة نور
رضيت روحى
فرحت قلبى
فكيت قيود الحزن
كسرت جدار الصمت
زلزلت جبال الخوف
دمرت رعشة قلب
محيت ذكريات الهم
سمعت صوت الموج
غسلت عيونى بالفرحة
فشفت جمال الكون
فى حلم جميل
فى لحظة مدد
من رب السما
ليست هناك تعليقات:
اضافة تعليق