سفينة الحياة
بقلم بدرية رشاد
ركبت سفينة الحياة
بس الموج فيها عالي
ناديت بعلو الصوت مالقيت
عمي ولا خالي
هبت رياح اليأس
كسرت شراعي
بدون داعي
غرقت سفينة الأحلام
والعمر راح والباقي يعني كام
توهنا وسط زحمه ودخان
ورمانه الهوا في جزيرة مهجورة
بدواير الأحزان معمورة
ووقت مكاني وثبتت الصورة
ماهي دي حياتي
بين الألم والكي محصورة
يا بنا على البنا
ووزع اسقف الهنا
مش هشتري
بس هتفرج
من امتى بعيش في
بيوتك أنا
عابر سبيل
مصاحب المستحيل
بس بعدي الصعب كأنه قنا
ليست هناك تعليقات:
اضافة تعليق