منام
بقلم هلال البنا
سلملي على نفسك سلم
طمني وبلاش تتألم
روحك معايه في أحلامي
وباحس بيها وانا نايم
لو جايلي تسأل يوم عني
وجايب لي مش واخد مني
بعرف طلوعك عالسلم
وبشم ريحة أنفاسك
أرتاح وابطل أتألم
وانا لسه ف الأحلام هايم
واعرف طريقة إحساسك
و بسرعه اكون واقف قايم
ملهوف عليك وانت الفاهم
مستني تغمرني بحضنك
شايفك قمر في السما عايم
عند النجوم شايف وضعك
وانا صاحي حاسس مش بحلم
غريق و هايج ليه بحرك
بحلم
حبيب وموجك ليه مظلم
والموج حنون وطريق سالك
وانا بيك ووسط الموج بحلم
إيه السبب واخد بالك
والزرع ليه دبلان نايم
حتى الزمان تاعب حالك
بحلم
هو النخيل عطشان صايم
ليه الجريد ناشف دبلان
مفيش جديد زعلان نايم
بيحس بيك إحساس إنسان
حبيت وعمري ما كون نادم
وكل ده بحلم في منام
بحلم
وانت بعيد عني قريبي
ومن جديد تطفي لهيبي
ملهوف عليك مانت الفاهم
واللهفه دي إحساس دايم
روحك معايه في منامي
شايفك حياتي وأحلامي
بحلم
كلمني. بشفايفك. كلم
طمني علشان. بتعلم
وانا لسه فيك بحلم هايم
يافهمني من غير متكلم
عطفك عليا من أصلك
وانت الكريم عطفك دايم
........ منام
ليست هناك تعليقات:
اضافة تعليق