خوفي ياقلبي
بقلم خالد فرج
خوفي ياقلبي لتقول خلاص بحبها
من نظرة عينيها دوبت آه في عشقها
خايف أقرب ل أجرح في يوم قلبها
والشئ الأغرب أن أحاسيسي راحت لها
ندمان ياقلبي انك في يوم زعلتها
كان غصب عني وفي اختياري صدمتها
مشاعري صادقه وعمري في يوم ماخونتها
كان حب فجأه وكأني صوره رسمتها
قررت أسافر وأبعد بعيد عنها
شوفتها جايه من بعيد ودعتها
فجأه لقيت دمع نازل على خدها
زي المطر وكل دمعه وراء اختها
نزلت دموعي لقيت ضلوعي في حضنها
حست ساعتها اني خلاص في ضهرها
طب ذنبي ايه وهيه ايه ذنبها
مشاعرنا صافيه وصعب تخاصم بعضها
قررت اعيش طب عيش ياقلبي جنبها
انا لو مليش في الحب مين غيري يحبها
وبعلو صوتك قول للناس محتاج لها
انطق ياقلبي وقول خلاص بحبها
ليست هناك تعليقات:
اضافة تعليق