العشم مات
بقلم صفيه نصار
أبدآ مش واقفه حياتي عليك
إنت اللي خرجت وقفلت الباب بإيدك
وهأعيش انا أحلى حياة ومن غيرك
ومتشكره منك وكتر الف خيرك
ومش هتأسف انا مغلطش فيك
طول عمري حناني نهر جاري
وإنت تعبت قلبي وحيرت أفكاري
مش هقولك سيب الباب موارب
لاخده وراك وانا ارص بدل الباب الف قالب
وأقطع حبال الود ولا هتكون فيوم جاري
ياريتك تبعد كمان اكتر واكتر
لتكون فاكر انا لسه هأفكر
لاده كان زمان أيام ضعفي
أيام ما كنت بتعامل بعوطفي
وحياتك هتندم وصدقني إنت اللي هأتخسر
وإياك تفكر تقولي راجع لحبي
مش ممكن تاني هفتح لك قلبي
خلاص معدش لك عندي وجود
ومكانك مش فاضي ولااصلا موجود
العشم مات إللي كان مخليني أداري عيبك واخبي
ليست هناك تعليقات:
اضافة تعليق