صرخة ألم
بقلم صفيه نصار
بنصرخ بعلو الصوت
وصوتنا مش مسموع
الحقونا إحنا فعلا بنموت
ناس قتلها المرض وناس
قتلها الجوع
وانتوا يامسؤولين ولاسائلين
كورونا بتحصد في أرواحنا
صعيدنا مهمل حسوا بجراحنا
إحنا ولاد ناس وبني ادمين
ليه تقتلوا فينا أملنا وطموحنا
يانوابنا هيه الكراسي دامت لمين
مفيش مستشفى مفيش علاج
حتي المعاش اتاخد م المحتاج
أعمل حساب لآخرتك ودنياك
ومسيرك يوم لصوتنا تحتاج
لاطرق عدله وشوارعنا معتمين
باتكلم عن بلدي اسنا محافظة الاقصر
وعن كل مسؤول في عمله مقصر
المستشفى في اسنا تبع المحاسيب
والقرى والنجوع على حالها بنتحسر
هى الإنسانية و الضماير راحت فين
احاسب مين على فقري وذلي
عايزة مسؤول يرد عليا ويقولي
انتوا ضيعتوا.حقنا خافوا ربنا
وانتوا صلاتكم في الصف الاول تملي
اعملوا بيها مفيش مناصب
يوم الدين
ليست هناك تعليقات:
اضافة تعليق