يوم الفلاح العالمي
للشاعر /سعيد حسان
والله بقالك يوم معروف
مش هتصدق بص وشوف
كل العالم يفرح . بيك
ويغنيلك ٱحلى حروف
وانا من قلبي بقول مبروك
وردك لينا من غير شوك
ومورينا الخير ٱلوان
قوللي ازاي ممكن ننسوك؟!
قلبك ٱبيض زي الفل
خيرك غطى كمان ع الكل
وبندعيلك كتر خيرك
ياللي الفرحة عليك بتطل
مصر بناها زمان فلاح
وادي النيل يشهد بكفاح
يكتب فوق الٱرض بفاسه
قصة شوق تختم بنجاح
فاكر ٱبويا وفاكر ٱبوك
كافحوا إزاي لاجل يربوك
كل سلاحهم حتة فاس
بس ٱساس علشان حبوك
الفلاح دلوقت شباب
لابس بدلة وٱغلى شراب
يزرع يقلع ميهموش
ولا بيعوص صعينه تراب
ليست هناك تعليقات:
اضافة تعليق