باختصار
بقلم أيمن شتا
باختصار فراقنا كان محتاج قرار..
وانا خدت منه موعظة..
أن حبك كان بداية الإنتحار..
باختصار..
...
باختصار فراقنا دا كان شئ اكيد..
زي موج جي من بعيد..
زي سكة بمشي فيها..
بس تايه ليل نهار..
باختصار..
...
باختصار انا شفت وياكي الألم
حتى حلمي.. مات معاكي واتظلم
ايوه حسيت بالندم
زي فجر مصلتوش..
لحد ما طلع النهار..
باختصار...
...
فراقنا كان محتاج قرار..
صعب نقبل بالفراق
بس دا كان اتفاق
يوم ما نخسر حبنا
أو نحس بضعفنا
لو في يوم مات حلمنا
فجأة مطلعلوش نهار
يبقا فرقنا هو القرار
باختصار
...
باختصار انا حد تاه منه الطريق
كان حلمه بسيط بريء
انه يعيش من غير دموع
بس ضعفه كان خضوع
حتى لو قبل الرجوع
الرجوع يعني انتحار
...
باختصار
فراقنا دا أحسن قرار
باختصار
ليست هناك تعليقات:
اضافة تعليق