الطامع عريان
اه ياابو دم مالح سقعان
ياللي كلامك حمضان
طول عمرك وانت خاربها
ودايما بتاكلها حرام
عمرك خوان للعشره
ولا تعرف ترعى مدام
هتموت واطي وجبان
ولسانك نقصه زمام
بتقول انا شخص تمام
وانت أساسك تعبان
مكرك كالديب سهتان
تتلوى كما التعبان
بايع أهل وخلان
علشان هيجيبم كام
طبعك مش بني إنسان
بلدك عارفاك خوان
مره مع وطني ياشاطر
والتانيه زعيم اخوان
والوقتي الطبله ماسكها
ايدك عرفت سكتها
وعلى طول عايز تتهان
مش فارقه ان كنت سارقها
علشان شبه الجرذان
الفارق ايه لعبتها لو حتى
مشيت عريان
الله يرحم سلامتها
خلتي كرامة اما اتهان
ومفكر كده بدايتها
دي نهاية كل جبان
هتعيش العار يا حيلتها
مش هتعوض نقصان
عين الطامع أخرتها
فقر ونقص وحرمان
الشاعر فهمي حجازي الطامع عريان
ليست هناك تعليقات:
اضافة تعليق