جنازة قلب
مش هاحبك تاني خلاص
قلبي قبل ما يودع حياته
أوصى بوصية يوم مماته
إنك ما تمشي حتى
ف جنازته
ياما كان بيمشي
لجل نظرة من عينيك
كان بيمشيلك يوم
عمله ويوم أجازته
كان شايفك زي
عيل من عياله
زي طفل صغير
بعد سنين العقم
والحرمان جاله
زي أرضه زي عرضه
وهو حارس عليه
كان حاسس إنه
ملك الدنيا بيديه
وانت كمان داخلة
ف حيازته
جوباتك قبل الرحيل
أوصى ترجع ليك تاني
قال ما تفضل بعد موتي
ولو ثواني
حتى العطر اللي كنت
جبتيه له في عيد ميلاده
يرجع بعلبته وأزازته
أما شالك
إللي جابه يوم ماجالك
بيقولك خليه هولك
يمكن يتصلح حالك
وتفتكري إن صاحبه
كان بيحارب بيك
العمر ورزالته
واللحظة إللي كان
بيشوفك فيها كانت
هي فرحت اليوم
وجائزته ولززته
كان بيحبك لأخر
يوم بعمره كان بيحبك
لحد يوم جنازته
بقلمي/عبد الحفيظ جابر شيبه
ليست هناك تعليقات:
اضافة تعليق