سحابه وتعدي
بقلم هلال البنا
عدي يالا ياسحابه وارحلي لجل الغلابه
يالا هدي ومطري واكشفي عنا الضبابه
عدي وهدي عالبلد برق ورعد والقلق
أم تعبت والولد بردنين والدنيا غابه
هدي ينزل المطر لو يحوش عنا الخطر
وحق لازم ينتصر راح تزول عنا الكآبه
عدي عدي ف السما والنجوم متبسمه
والنجوم شايفه المطر والقمر مغرم صبابه
عدي عدي ف العلالي يا مطر بالله عشاني
في الهوى نفرح سوى فى المطر تحلى الدعابه
عدي عدي ف الهوى وامطري مطر الشتا
وف المسا يحلى الدفا والدفا مش للغلابه
عدي وهدي من هنا وف المطر يحلى الغنا
بالغنا نفرح وندفه غني يللا على الربابه
عدي عدي عالوطن أمطري فوق المحن
تغسلي كل العفن وادعي بالإخلاص يا بابا
عدي عدي عالبيوت فى المطر هات التابوت
فين طالوت يحوش جالوت والسؤال عاوز إجابه
عدي عدي فى هدوء و المطر ينفع وضوء
والصلاه لله لجوء والدعاء ليه إستجابه
صلي وادعي بالصلاح والمطر مليان رباح
وعدي صلي في الصباح عالنبي وعلى الصحابه
صلي صلي عالحبيب . وادعي للأرزاق تزيد
الرزاق سميع مجيب. دعوه في الأمطار. مجابه
يالا عدي ياقلق. عالبلد. وعالولد
هدي وعدي وابتعد ليه البرق والبرد
رعد عامل صوت ديابه
عدي عدي ياسحابه
ليست هناك تعليقات:
اضافة تعليق