حكاية أمي
الناقد حمدى البوقي
ح احكى عن أمى
بس اقول ايه ...
اكتر من اللى اتقال
لازم احكى واحكى
طول م باقى سؤال
والخلق سؤالها مازال
لسه عن امى
ودمعها الباقي
وجرحها لسه
ملضوم بموالى
احكى يمكن...
اللى ابتدا بمحال
بكره يصير ممكن
د الكون بدأ بكلمة
لسانى خايف. ...
أتوه في الضلمة
باب الحكاوى كبير
وانا بقالى كتير
وكأنى كنت ف سفر
وادينى جيت
لسه على البيبان
متمدده الغربان
نازلة دموع امى
وهى بتقولى
احكى كلام لونى
مسطور على جبينى
وان خفت ماتقولشي
بلاش ما تكتبشي
لا تروح ولا تمشى
خليك هنا جنبى
غنى وقول موال
أه....يامه
موالى هو انت
ياعاشقه القمر كنت
لبعد حد الحلم
حيط السكات هدى
حبل الغنا مدي
راح اكسرشراع الموت
لو ح أسافر
ف الضلام وحدى
ليست هناك تعليقات:
اضافة تعليق