الحبيب
خواطر / عادل رشوان أبوعيطة
هقول لأ وهصرخ لك
ولن أمل من سؤالك
إيه اللى زعلك وجرحك؟
إيه غيب منك ابتسامتك؟
و بعدك عنى كل وقتك
مش أنا حبيبك وحلمك
و سعدك طول أيامك
من حقى اخاف عليك
وأكون فى الضلمة عينيك
وفى شدة الأيام سندك
......
وأنا لي من حبيب غيرك ؟!
ما أنت عارف إنى عشقك
جمع في الهوى قلبى وقلبك
اسأل قلبك لما يدق نبضك
أد إيه بعيش مع دقاتك
لحن بيرسم ملامحك
صورة حلوة تشبه روحك
مع ضيى شروق شمسك
بكون نجمه فى سماك
بغنى غنى فرحتها بهواك
.......
هقولك لأ لما يطول بعدك
لما تغيب عنى بسمة عينيك
لما حلمك يدبل ويا حزنك
لما يطغى يأسك على أملك
لما تبكى بحرقة جوه نفسك
وتنسى إنى بعمرى أنا جنبك
هصرخ بصوت عال وأسمعك
اوعى تبعد عن عيونى بهجتك
أو تنسى تجيب معاك ضحتك
وإنى حبيبك ونيس وحدتك
ليست هناك تعليقات:
اضافة تعليق