قولى منين
بقلم حنان شوقى اللواء
قولي منين أجيب لقلبي
قلب تاني يكون حجر
قولي منين أجيب لعقلي
عقل غير كل البشر
قلب ميعرفش الحنان
قلب ميعرفش. الأمان
عقل يرضي باللي حاصل
واللي راح يحصل كمان
قولي منين أجيب لعيني
عين متعرفش الدموع
قولي منين أجيب لروحي
روح متعرفش الخضوع
عين متبكيش على الحب
اللي ضاااع
وروح متعرفش العذاب
ساعة الودااع
قولي منين أجيب إحساس
يكدب عليا
قولي منين أجيب فؤاد
ميعرفش طعم الأسيه
إحساس يطمني
يضحك علي قلبي
وفؤاد خالي من الأحزان
ديما يخبي
قولي منين أجيب ده كله
عشان اقدر أنساك
قولي دانا ياما إتعذبت
بنار هواك
ليست هناك تعليقات:
اضافة تعليق