جوه السحاب
بقلم خالد المنصورى
المرض يا ستي أهو انتشر
والقلب من كتر الحزن انكسر
كل الحكايه أننا ماشين تايهين
عايشين جوا القلوب منكسرين
بصين لسحاب من فوق وغرقنين
والمطرة نازلة علينا سيول مفرقين
تدمي على قلوبنا كل الحنين
المرض يا ستي أهو انتشر
والقلب من كتر الحزن انكسر
والضلع ياستي اهو أنفطر
والروح تنوح وسط اشتياق
والبرد صاب روحه الأنين
جاي يرمي ذكرى جوا مني
ويبتسم بدموع ضياع
جاي يرمي تلج وسط ناري
فينطفى بجمرة وداع
وصلاة أخيرة لمحراب الدموع
حتى النجوم جوة السحاب
خبت ضياها عن عين القمر
والمرض يا ستي أهو انتشر..
ويمني روحه بنظرة من روحك
يحضن عيونك وهم من شوقه
ويواسي فيه اليتم وشقوقه
ويرسم ملامحك نهر من عطشه
ويشرب دفا نفسك على كفوفك
فايت على فرشك حضن توبك
ويقولى آه فى القبر محبوبك
حضنه التراب والقبر صار داره
وان الخريف هجره الشجر
والمرض ياستي أهو انتشر....
وسكن دروبي وصارلي جار
أنا لية نصيبي من الحياة
فوق القبور أعيش صبار
يحضنى برد وأضمه نار
يابرد هجرك جوة مني مرار
وياويلي من حظي فى قدر
خد كل حاجة بحبها
وفايتني على باب انتظار
أشرب وداعهم بعيون البشر
والمرض ياستي خلاص انتشر.....
ليست هناك تعليقات:
اضافة تعليق