أمسيات الحسن
( زمن العجايب )
بقلم الشاعر : حسن حلمى
يرحم الزمن اللي فات
اللي عدى بالذكريات
كانو يتمنونا نرضي
ويطلبو الود لساعات
وبعد ما خدنا بأيديهم
ركبو قطر الذكريات
بلاش تفكرني وترجع
تقول خلاص الوقت فات
وجوه خانة المحظورات
حط اسمك من سكات
فات خلاص زمان وعدي
وفاتنا وقت المعجزات
راح خلاص زمن المحبه
بعد ما بعت الموده
وخنت عيشي معاك
وملحي
وكل حاجه بينا حلوه
اه عليك يادي الزمان
ياللي خليت الجبان
يرمي سهمه بضهر
فارس
كان حارسله ده الميدان
ليست هناك تعليقات:
اضافة تعليق