قلبي الحزين
بقلم بهاء اللبودى
قلبي الحزين رغم الأنين
واخد قرار
من قبل حتى ما تضحكي
او تشتكي بدل مسار
رغم الألم رغم الشجن
ودموع كتيرة ف عمره صار
إلا إنُه عايز تفرحي
ويسمعك لحنه الوفي .. بالاقتدار
وإنك حقيقة فجنتُه
طول الليالي بصحبته والعشق نار
حالف جنابه يطمنك
ويهننك ويسكنك في عيون ودار
بين الجناين والزهور
بنت البلابل والطيور
أجمل أميرة ف زي حور
أنا بعشقك
..
فلابد حتما يبهرك
قلبي اللي أصلا مرتبك
بعد أما شافك أدمنك
وكتب قصيدة ف رقتك
رغم الحصار
...
أما بقى قلبي الجريئ
قلبي الجريئ عامل غريق
بينك وبينه يا سكره مليون جدار
قادر يطير .. يقدر كتير
ولكنه خايف يخسرك بعد الهزار
يوصل جنابك يكسرك
وف ليل غرامه يسهرك ويعيش في نار
..
لو حنصفك
حستنى روحي تلملمك
بنجوم ولولي تجسمك
لأجل أرسمك ثم أوصفك
وأعشق معاكٍ الروح ملك
بعد إنتصار
ليست هناك تعليقات:
اضافة تعليق