تحيا مصر
بقلم صفيه نصار
يااللي ماشي فوق أرضها
حاسب وإنت بتدوسها
لو التاريخ حكى عنها
كنت هتوطي وتبوسها
دي بلدي أنا منها بكل فخر
دي أغلى من نور عنيا
عمري كله عليها شويه
بعشق ترابها بكل مافيا
حضن دافي نبع صافي
طبعا عرفتوا مين هيه
دي الحبيبة الغالية مصر
أرض المحبه والسلام القاهرة
مهبط الأديان الطاهرة
فوق الخيال والوصف
بهيه أم العيون الساحرة
فيها الكرم ملوش حصر
دي الحبيبة الغالية مصر
حاسدينها علي جوها الهادي
اصل جمالها شئ مش عادي
أبدا ماتوقع وهتفضل أمان
وشعبها إللي بالقليل راضي
قال كلمته بالمفيد المختصر
في ميادينها علينا الصوت
وقولنا يامصر بنحبك موت
وكلنا معاكي لو في النار
بعون الله هانعدي ونفوت
وهانصبر رغم مرارة الصبر
دي الحبيبة الغالية مصر
وعلى نيلك نرسم الفرحه
ومن شمسك نغزل الطرحه
.وبوحدتنا ووطنيتنا نتحدي العالم
هلال وصليب نرفع لك ريات النصر
وتحيا مصر تحيا مصر تحيا مصر
ليست هناك تعليقات:
اضافة تعليق