عجيبه
الشاعر محمد عبد العزيز رمضان
عجيبه يا دنيا لسه
بحلم بحجات كتير
بحلم تجمعنا كلمه
في عنيك تايه أسير
لو تبعد عني لحظه
بعدك قاسي وخطير
عجيبه ومش هقولك
يا حبيبي ليه تخون
أنا عمري هو قربك
والبعد كمان جنون
طب ليه تسقيني ظلمك
من بعدك مش هكون
لو كنت حقيقي أهمك
ليه صدقت الظنون
لنجوم الليل رسمتك
بستان غالي وحنون
وحياتي كمان وهبتك
ما عرفتش ليه تصون
لو كنت وفيت بوعدك
أنا عمري ماكنت أهون
أنا عشت حياتي بعدك
مليان حزن وشجون
ندمان علشان سمعتك
آه من سحر العيون
عجيبه وأوعى تبعد
بعدك لحياتي نار
طب ليه تكدب وتوعد
بعدك أصعب قرار
مش ممكن تاني أصدق
أو اطلب الإنتظار
هبعد وهقول حقيقي
حبك سوء اختيار
مش هندم مره تانيه
ولا هقبل الإنكسار
ليست هناك تعليقات:
اضافة تعليق