سلام مش أكتر
بقلم صفيه نصار
حبيبتي خايف عليكي مني
ترجعي من تاني وتحني
أرجوكي ابعدي وبلاش من لقانا
والبعد ده غصب عنك وعني
انا مش عايز اسيبك
ولو اني مش من نصيبك
حكم الزمن وياما الزمن بيفرق
وإنت حبيبتي وانا حبيبك
وهفضل أحبك لآخر يوم في عمري
ماهو الحب قدر ماهوش بأمري
حبيبتي إنت معنى للحياه
واحساسي بيكي هو قدر
بس أوعدك على اد ماقدر
احاول أنسى ومش هافكر
واهرب من عينيكى ولو صدفه
اتقابلنا هنسلم سلام مش اكتر
ليست هناك تعليقات:
اضافة تعليق