أنا قد التحدي
بقلم صفيه نصار
هو انت لسه شوفت
من قوتي حاجه
انا عمري مأقولت
لوجودك محتاجه
لوكنت لي في يوم سند تعالى وفكرني
لاانا قويه والقوه قبل الحنيه وإحذرني
واحسن لك تبعد عن ثورة غضبي
انا رد فعلي بركان ناره وهاجه
****
وعادي تضغط على جرحي بكل قوتك
وريني ظلمك وهات اخر قسوتك
كل ده بيهون عليا غدرك
ولا هعاتبك يوم على بعدك
وهأمشي دايما عكس سكتك
****
وهأبعد عن اي ذكرى وامحي م الخيال صورها
حتى الصدفه هأرفض إنها تلعب دورها
ماهو إحنا اللي بنخلق الصدفه تملي
مش هأمشي في طريق تخلي عنيك تلمح ضلي
هأختار أبعد واصعب سكه وهأنسيك الضحكه وأهرب بالعمر إللي فضلي
****
مش انا إللي يتقال عليا ضعيفه
وجناحي مكسور
انا اقدر أشق في الصخر بحور
واقدر ع الصعب ولوعلى قلبي هادوس وأعدي
وماتجيش على نفسي وتكسرها لا انا قد التحدي
ومن مفيش طلعلي ريش وطايره كما العصفور
ليست هناك تعليقات:
اضافة تعليق