هي مبتهزرش
بقلم كارما يوسف
وبيها متستهترش....
هي هي..مهما الزمن عدي...
مبتنكسرش....ولو بعدت ...مبتقربش...
عنيده...وقويه ...وكل ماتتوجع بتقوي...
وافتكر الزمن....لو عقلك نسي ومفتكرش....
كرامتها تاج على راسها..مبتتغيرش...
حتي لو شعرها شاب من الأهوال معاها مبتفرقش....
دي بطله كل الحكاوي اللي مبتخلصش...
هي الحلم اللي منه تفضل تايه ومتسهرش...
ومن جرحها بتعمل فرحه متتوصفش...
هي هي...
اللي القمر في عيونها وكحل عيونها مبيهزرش...
اللي الشمس بتبعت دهبها لرجليها فرش....
هي اللي بالف راجل وبكل ستات الأرض...
هي الأم والصاحبه والسند والطفلة اللي مبتكبرش...
هي اللي هتفضل راسها للسما عاليه ... وسيده الأرض
اللي ليها بيهرب الموج يلمس رجليها ويرقص ميبطلش....
هي السكر في طعم القهوه اللي مبيدوبش......
هي المزيكا الحلوه اللي بتسمعها ومبتزهقش....
هي نغمه الكمانجا الدايبه...وعود ودقه بيانو متنشزش
هي....هي.....
مش هتتغير وقصرك في عنيها بيت قش.
ليست هناك تعليقات:
اضافة تعليق