أنا بنت النيل
بقلم صفيه نصار
شاعرة الجنوب أم القوافي
شعر إيه ملعون ابو داغك
يامطنش ومكبر دماغك
طول عمرك بتاخد مني
والنبي يادنيتي عليا مني
نفسي اشوف منك جنيه
ولا حتى قرش صاغك
كل العمر ده كلامي مش عاجبكم
بتيجي لحد عندي تنفضوا جيبكم
ياجماعه التقدير مش بس شهادة
غيروها بقى سيبكم من دي العاده
خليها مره ورقة بنكنوت والحقني بيها قبل ما أموت وانطق الشهادة
والبقاء لله وشدوا حيلكم
انا دولابي اتملى ع الأخر
ومفيش مكان وانا مش ساحر
باخد شهادات من 30 سنه
وياريت في التطوير وظل المكينة
نلاقي بنك نصرفها ونتعشى عشا فاخر
ولى لازم نعمل ثوره ونقلبها هوجه
ولعشان مشينا صح في سكه عوجه
إحنا مش بتوع كوسه ولاخيار
ولاعمري هاقول بحبك ياحمار
ولا بالأسفاف هاركب الموجه
بس ياريتكم تقدروا فني
من امتى وانا بينكم بغني
بس لحد هنا، وكده كفايه
قطر الحياه وصل للنهايه
وراحت أيامي من غير تمن
وكبر سني
وانا مش زعلانه وهازعل ليه
العمر بحلوه بمره اتحسب عليا
وانا راضيه بيه
يمكن فاضلي كام محطه
انا أعرف أقول هشك بشك
وكلام أونطه
بس للأسف مليش فيه
ادينا قولتها لكم على بلاطه
عايزين ناكل عيش ونحلي بشكولاته
حد منكم هياخد بيدي
ويخليني م الفقر اعدي
ومش هنساكم أبدآ أنا بنت النيل كلي بساطه
ليست هناك تعليقات:
اضافة تعليق