صعب استغنى
بقلم رمضان عبدالله أحمد
صعب استغنى عنكم.
أو إني ف لحظه أنساكم
على بالي دايما فاكركم
عايش ف نعيم هواكم
تغيبوا أو تبعدوا
تخلفوا كل ماتوعدوا
تبكونا أو تسعدوا
قلبي دايما معاكم
....
ياللي علمتونا الهوى
القلب بدونكم جريح
في القرب منكم الدوى
والسعد والتفاريح
بقولها بكل صراحة
رؤياكم هي الراحة
نفسى بتكون مرتاحة
في جواركم المريح
....
ياريت مايعدي يوم
من غير مااشوف عيونكم
مافيش ف دا ابدا لوم
وانا ف هوايا صاينكم
عيونكم ياما بتقول
وبتبعت للقلب رسول
وياريت النظرة تطول
تحكي لي ياما عنكم
النظرة من عيونكم
فيها السحر العجيب
والطلة من قلوبكم
تفرح قلب الحبيب
والفرح بييجي معاكم
ويزورني الهنا ف لقاكم
انا املي أكون وياكم
وابقى من الحلم قريب
ليست هناك تعليقات:
اضافة تعليق