نفسي في إيه
بقلم هلال البنا
وواحد صاحبي نفسه في إيه
هو نفسه يملك ثروه
ونفسي أحج أو أعمل عمره
ونفسي أشوف الكسوه السمره
ألف وأطوف حولين الكعبه
ونفسي أعد الأشواط سبعه
هو نفسه في كاس و رقصه
وانا نفسي في وقفة عرفه
نفسي أبوس الحجر الأسود
وأدعي ف الملتزم وأسعد
وهو بيدعي ياخد المقعد
يعلى في انتخباته و يصعد
وانا نفسي وكرمك يا كريم
عند مقام سيدي ابراهيم
وحجر سيدنا إسماعيل
لله اصلي ركعيتين
نفسي أشرب مية زمزم
وأدعي لنفسي ولكل مسلم
وهو بكوم الثروه بيحلم
نفسي أهرول في الضوء لخضر
وأسعى بين الصفا والمروه
والأشواط مجموعهم سبعه
رايح مره وراجع مره
وهو نفسه في فيزه حره
نفسي أزوركي يا أحلى مدينه
فيكي محمد طه. نبينا
والصديق وعمر أصحابه
والبقيع فيه صحب نبينا
صاحبي نفسه أمور كدابه
ويلف الدنيا. النصابه
ياخد الدنيا وتبقى الثروه
بس أحج وأعمل عمره
وربنا يعلم نفسي في إيه
ياما دعيت وقلت. ياريت
إني أزوره واصلي عليه
هو حبيبي رسول الله
ليست هناك تعليقات:
اضافة تعليق