لو نتعلم
د/مجاهد المصرى
عاشق البنفسج
آه لو نتعلم
ونصحى نفوق قبل ما نتألم
ونحسب كل حوار راح يحصل
قبل ما ننطق أو نتكلم
قبل ما نوعد حد بحاجه
قبل ماجرحه يزيد بزيادة
ونبعد من غير حتى نسلم
لو نتعلم
آه لو للوعد نصون
آه لو نصدق ولا بنخون
كنا نعيش أيامنا سعيدة
كان الحب في قلبنا علم
كل ماتوعد ليه ما توفي
بعد ما تشبع ليه مستكفي
هو حرام لحبيبك توفي
ليه نتأخر ما بنتقدم
لو نتعلم
ليه بتقولي كلام م الأول
وترجع تاني عنه بتتحول
ليه تخليني أحب جنانك
ليه يقولولي حبيبك خانك
وحبك جوه الروح يتجول
هو الحب ده عندك ايه
كلمة ومش عارف معانيه
ليه تخليني عليك أتندم
لو نتعلم
هو صعب نكون صادقين
في كلمة نقولها ومش خاينين
طاب ليه نجرح في الغالين
ال شلونا في نن العين
آه لو تعرف لما بنقسى
ونوعد وعد وليه ننسى
أثره ده ايه على العاشقين
نار في القلب وجرح معلم
لو نتعلم
ليست هناك تعليقات:
اضافة تعليق