متسأليش

 متسأليش

بقلم  جمعه  الجر 

متسأليش ليه القدر..

   فرق مابينا...

الفراق مكتوب علينا..

من أول ما اتقابلنا...

السؤال من غير جواب..

والفراق من غير عتاب..

والعتاب لو صح يبقى..

للزمن هو اللى خاننا...

لو كان لوقانا مستحيل..

وغصب عنا هنفترق...

والعذاب طريق طويل..

والعمر منا هيتسرق...

يبقى الأمل هو الحياه..

طوق النجاه وقت الغرق...

مجداف ف مركب يعدى بينا..

فوق حدود المفترق...

أنتى وأنا مش م الوجود..

مس م البشر...

اتنين ملايكه اصلهم..

  نجمه وقمر...

بالحب طايرين ف السما..

منورين ليل السهر...

أنا وأنتى جمعنا الهوا..

رجع وفرقنا القدر...

صدقينى مش راح اندم ع الفراق..

مش هتشوف عيونا دموع وداعنا...

ف القلب نهر من الاشواق..

قادر يعدى حدود دموعنا...

قادر ينسينا الجراح..

يخطف قلوبنا لكون براح..

قادر يعدى المستحيل..

قادر ينور يوم شموعنا...