بنت المجنونه
بقلم صفيه نصار
هو مين المجنون فينا
ومين مرر ايامنا وليالينا
مين اللي عليكي اتسعر
وعملك قيمه وسعر
اهدي حبه يابنت المجنونة
والله مانقصنا غير جنانك
مش هتبقي إنتي وزمانك
انزلي متطلعيش في العالي
طبق السلطه يبقى علينا غالي
هانقول لله يامحسنين ساعدونا
إحنا الغلابه اللي ملناش تمن
وكله جاي علينا واشهد يازمن
الحمل زاد وتقل الهم
لما كل فحت وردم
على حساب إللي جابونا
نشكي لمين الظلم وجشع التجار
واحنا حالنا يصعب ع الكفار
والله بجد ده مش بس كلام
ومفيش رحمه ياناس حرام
من ابسط حقوقنا بتحرمونا
كيلوا طماطم 15 جنيه
والبطاطس 10 هناكل ايه
بكلم نفسي وانا ماشي
وناس كتير مقدراشي
مش ناقص غير يعدمونا
واحنا أصلا معدومين
واللقمه إللي عنيكوا عليها
بالسلف والدين
والله حقيقي لاكدب ولاتمثيل
يارب صبرنا بلاء وغلاء فاحش
ده مستحيل
نجيب منين اتعصرنا كفايه
ونشف ريقنا جيبنا أخرنا ارحمونا
ليست هناك تعليقات:
اضافة تعليق