فتحوا السكه
بقلم هلال البنا
شوفت السته فتحوا السكه
فتحوا الفتحه بخطه و دقه
حفروا الخندق وسط المزنق
وطلعوا بخفه وعملوا الزفه
عملوا النفق بحتت سلكه
صبر جميل بفهم وحنكه
درس لكل جبان خواف
لو نسندهم يا خدوا الدفه
كل الناس بيحاربوهم
والبشر كله عليهم
الشعوب معهم يادوب
والله رب الكون معاهم
ٱه لو شافوا حد بيسند
ناس تتكلم جد وتكتب
حد بيساعد ناس بيجاهد
ياخد أجره كأنه منهم
دول رجاله وناس أبطال
رغم حصارهم باستمرار
صابرين صبر يهد جبال
ضد الضرب وضد النار
شعب بيبدع ليل ونهار
وعالصواريخ اشهد يا تاريخ
وعالطياره بدون طيار
إبداع شعب مالهش مثيل
وبيتقدم جيل ورى جيل
والشهداء أفواج. أفواج
ودم الشهداء عطر جميل
شوفت السته فتحوا السكه
وقالوا معانا رب. جليل
يحفروا نفق بحتت سلكه
مشوار عاوز صبر طويل
ولازم يبقى الصبر جميل
شوفت السته فتحوا السكه
وبنوا صهيون نايم عالدكه
تحت البرج. وشايل الخرج
ومن قدامه. طلعوا السته
فتحوا السكه
ليست هناك تعليقات:
اضافة تعليق