حزنك كتير
انتِ ليه حزنك كتير
وليه كمان فرحك في بير
مش كفاية تعبتِ فينا
في الصغير والكبير
قولنا نستحمل أذاكِ
بكره يمكن يجي خير
طال عذابك طال جفاكِ
وربنا هو النصير
لو طلبنا ندوق في فرحك
نلقى بير ك صار سعير
امتى تنعدل المعادلة
ونلغي حزن كان مرير
نلقى فيكِ كتير مودة
للصغير والكبير
نرسم الصبح بوردة
عطرها ملهوش مثيل
نبدر الخير والمحبة
نحصده عرفان جميل
نلقى فيك البسمة وارده
تبقى للحزن بديل
نمسح الدمعة اللي شارده
فرحنا يصبح دليل
هي دي أحلمنا بكره
نمحي بيها المستحيل
نرسم البسمة ونرضى
نلقى بكرة شئ جميل
بقلم الشاعر فهمى محمود حجازى
ليست هناك تعليقات:
اضافة تعليق