صعب جدًا
—————
صعب جدًا
إزاي نعيش من غير حُب ؟
صعب جدًا يبقى قلبك نبضه ميت
صعب جدًا تبقى روحك
تايهه
ضايعة
زي ريشة
في الهوا مالهاش هَويَّة..
ده كل طير
لازم لُه غِيَّة..
صعب جدًا
ما تلاقيش حُضن يضُمك
وِسط تعبك
ولا إيد تسقف لك وتدعم
كل فرحك..
صعب جدًا تبقى وحدك
وسط زحمة الكون
ضايع لوحدك !
ما في شخص يكون سندك..
صعب جدًا في الحياة
تعيش لوحدك
وتموت لوحدك
في النهاية
محتاجين
حد يفرح
حد يزعل يوم علينا
لو مشينا
تبقى دُنيته ناقصة حاجة
بس هي كل حاجة!
شئ صُغير بس م الآخر يحير
جزء ناقص
بس بيكملنا يمكن إحنا فيه
أحلى حتة !
ركن ليك خاص جدًا
فرحتك تبقى معاه !
وغيابك سبب شقاه!
المهم يكون لينا حد
وبيعرف يحب بجد
هو كل الدنيا يعني
وإحنا فيها أحلى جزء
صعب جدًا … آه بجد ..
#بالعامية بقول
بقلمي:سلوى صبح
.
ليست هناك تعليقات:
اضافة تعليق