بكره أحلى
بقلم بدرية رشاد
بكره تتفتح جناين
بكره شمس الصبح تحلي
عتمة الليل تتبدل
ونزرع سوا صحرا
شجرة تضلل عالغيطان
نور أمل وفجر بان
تضحك الصبايه ضحكه
وتغني أغاني الصعب هان
تتلون حيطان القلب
ونكتب فيها والله زمان
نرسم عناقيد المحبة
وكل عنقود حكايه
ونكتب بإيدينا البدايه
احنا بشر مش ملايكه
وعدل ربنا في قرآنه ايه
متركزشي كدا ويايه
أصلي دي بدايه النهايه
تعرف بإيدك تكتب
مين ضدي ومين معايه
كل واحد فينا له قصة
بيبين منها الحلو
وبيعكس الباقي بالمرايه
نضحك ونكركر وعاملين انه
شطاره
والقلب من جواه مراره
نمشي في طرق نفتح بيبان
الصبر تاره
ماهي دي الشطاره
ودموعنا نازله
يسألونا نقول غباره
واهي ماشيه الحياه
نفرح مره ونحزن الف مره
بس دايما نضحك
والكل من امرنا حياره
ليست هناك تعليقات:
اضافة تعليق