قلوبنا بين الأمل واليأس
خواطر
عادل رشوان أبو عيطة
قلوبنا معتمة بالخوف متلتمه
وصوت الريح في الليل البهيم
خلع جدارالقلب من جوه الصدور
وعشش الخوف
وزرع مخالبه في النفوس
وطال الليل
وكل ما طال زاد الأنين
واتسمع صوت الناى الحزين
وعيون طول اليل قلقانة سهرانة
باكية دموع بتحرق الخدود
يا فجرنا
امتى هيشع نورك جوه القلوب؟
كفانا خوف ورجفة من ظلم الليل
يا فجرنا
أمال قلوبنا بيك متعلقة
والأمل مرسوم في القلوب
عناقيد نور مع نجوم السما
يا فجرنا
أظهر وانزع الخوف اللى عتم القلوب
وهات معاك الضحكة الطيبة
كفاك دلال وبعد عننا
ده انت
فرحنا وأمننا وحبنا
ده أنت
سلامنا و أملنا وحلمنا
ليست هناك تعليقات:
اضافة تعليق