أول ميعاد

  أول ميعاد 

بقلم  عصام السعدنى 

أول ميعاد...

في حاجات كتيرة لمستها...

إحساس جميل...

لما اتقابلنا وشوفتها...

فيها إختلاف!

تفاصيل كتيرة مميزة...

هادية على متنرفزه..

تركيبة صعبة...

بس سهلة مُيَسَّرة...

تقدر تقول...

تركيبة نادرة أو معادلة معجزة..

مليانة طيبة..

من كلامها تحسها. 

أه طيبة...

وكمان دموعها قريبة...

بركان غضب..

 جواها...مليان بالأدب.

تفرح وتحزن...

حتى لو من غير سبب...

إحساسها أعجب م العجب. 

ملكة وأميرة بسحرها..

وكمان بسيطة في نفسها..

مليانة حزن..

يهد ١٠٠ مليون جبل...

لكنها..

صلبة ومفيش..

ولا أى حاجة تهدها.

جواها فرحة...

تسعد الكون باللي فيه...

تملى جناين الشوك نعيم..

أيوة رحيم.. 

طبعا بقول عن قلبها..

مليان حنان وحنين كتير..

الناس تملي طباعها تشبه بعضها...

وهي دايما مستقله بطبعها. 

في كلامها أيقونة أمل..

فيها كمان حبة ملل...

ما يهمهاش!

مين مش بيسأل عَنَّها...

ما بقاش كمان بيهمها...

لو عَنْها كل الكون سأل..

ودي حاجة خلتني أكيد؟

أعشق جنابها واحبها.