من الإنكسار إلى الإنتصار
بقلم السيد فريج
أيام طويلة
ونفوس ذليلة
وقلب بلدى..
بينكسر
قالوا أزمة
وقالوا نَكسة
وهِىَّ وَكسة
وكمان تِقيلة
لَكِّنْ ناسنا..
حُرة وأصيلة
بأخلاق نبيلة
رفضوا الهزيمة
وبْعِزِّنَا..
دوسنا كمان
على صَبرِنا
قالولنا لازم ننتظر
ما حنا فى يوم
حَنِنْتِصِر
ويوم قلوبنا
إتجمعت
تمسح دمُوعنا
بالعَلِم..
تقفل جُرُوحنا
ع الألَم
ولحُزنِنا ولضَعفِنا
حَطِّين قُلوبنا
فى سِجنِنا
بين الضلوع
بين الأنين..
ضاع الألم
وفى قلبِنا
بين القلوع
قايدين شموع
قاعدين نِدَوَّر
على مجدِنا
وكمان حِلِفنا
براس أبُونا
وجِدِّنا
مايعلى صوت
على حربنَّا
نمضغ جِراحنا
وحُزنِنا
ويِعلَى صوتنا
اللهُ أكبَر
ناويين نحرر أرضِنا
وكمان قلوبنا..
إتْطَّهَرت
منْ ناس عويلة
كمان حِمدنا رَبنا
لا حد خاين..
ولا ناس عميلة
عَندِنَا..
مِن جُوَّه الألم
عِليِت هِمَم
ظهرت قِمَم
مِن وِسْط ناسْنا
وأرضِنا
بطولات كِتيرة
إتكَرَّرِت
على أرضِهم
لا موش أرضهِم
أرض العرب
أيام رزيلة
مَرّْت سنين
قُول دُهور
كاتمين فِى غِيظنا
جُوَّة الصُدُور
مِن غير كلام
مارد وقام
عَدَّا القنال
قَتَل اللئام
رفَع العَلم
فوق رمل سِينا
فوق أرضِنا
اللهُ أكبر
اللهُ أكبر
قُوم وإضرب
والفِيران
قُدامْنا تِهْرَب
رجَّعنا سِينا
أحمد ومِينا
رَدُّوا الكرامة
رَدُّوها لِينا
لِكُلِّ العرب
رِقابنا طالت
عِليِت و طارت
فوق فى السَّمَا
الذُل مات
وإتْوَلَد..
عِزَّة وكرامَة
وإحترام
غَسَلنا إيدنا
مِن هَمِّنا
مِن ذُلِنا
وبقينا فوق
أعلى الأُمَم
وَقَف البطل
جَمَّع جيوشُه
حَيَّا العَلَم
وقال تمام
نِعمل سلام
ماهو ديِنَّا
برضُه..
إسمُه السلام
دين المَحَبَّة
والمَسْرَّة
على أرض سِينا
أرْض التَجَلِّى
فى إيد واديِنا
أرْض الكرامة
والكرم..
ليست هناك تعليقات:
اضافة تعليق