الجيش المصري
بقلم صفية نصار
ياجيش يامصري كل الشعب بيحييك
الف تحية ومليون سلام وربنا يحميك
ياحامي حدودنا يافراعنه وده أصل جدودنا
ياخير جند الأرض الله الله عليك
انتو فعلا أهل ثقة وقد المسؤليه
انتوا فخر لكل مصري ومصريه
انتو اسم ومعنى للحريه
وحماية وأمان لينا وليك
ياجيش يامصري ربنا يحميك
من حقي أفتخر وأرفع راسي
ده جيش بلادي من أهلي وناسي
العزة والكرامة دي هي أساسي
ومصر امانه صونها جوه عنيك
ياجيش يامصري ربنا يحميك
إيد واحدة شرطه وجيش و شعب
مسلم مسيحي كلنا بنقول يارب
مصر تفضل حضن الأمان والحب
أم الدنيا تعلا وتكبر بيك
ياجيش يامصري ربنا يحميك
انتوا كنوز الدنيا وأغلى م الدهب
سبحان إللي أعطى لمصر ووهب
دول السند لينا وع العدو نار ولهب
غالي ياوطن وبالروح والدم نفديك
ياجيش يا مصري ربنا يحميك
ليست هناك تعليقات:
اضافة تعليق