بكت السماء
بقلم صفية نصار
بكت عليه السماء
وأول رجب قابل مولاه
رئيسنا حسني مبارك
النهاردة في ذمة الله
مش كتير نقول رئيسنا
كان حارس مصر وحارسنا
ربنا يتجاوز عن سيئاته
اسم مشرف لكل تاريخنا
عشنا معاه عمرنا وأجمل أيامنا
كنا عارفين نوصل ارحامنا
والخير بيفيض ويزيد نقول ايه
غير بس ربنا يرحمه ويرحمنا
مبارك إسم غني عن التعريف
لما تحب تكتبه متشالش التكليف
كان الأمن والأمان ولايوم نمت من غير
عشاء ولاشلت هم لبكره ولاحق الرغيف
أهو راح وراحت أجمل الأيام
كنت مطمن على ولادك وعارف تنام
دلوقتي معاهم في كل مكان
من خوفنا ناقص نربطهم فينا بحزام
مبارك راح مكان تتساوى فيه الرؤوس
لافيه هناك ريس ولافيه مرؤوس
وفي محكمة الحكم العدل
هتجتمع الخصوم وترضى كل النفوس
رحمة الله على ريس لاخان ولاباع
ولاحد في عهده اتعرى ولاجاع
قائد حرب ونصر أكتوبر
بطل وطني مصري حتى النخاع
الوداع يابطل الوداع
ليست هناك تعليقات:
اضافة تعليق