بزيادة سح
الشاعرة صفيه نصار
ياسنة كئيبه كل أيامك طرح
لاجمعنا فيكي هنا ولافرح
كفاية حرام عليكي ارحمينا
وحطي في عينك حصوة ملح
ارحلي وخلينا نشوف غيرك
وإنت كده طولتي كتر خيرك
خدتي العزاز ولابيت خلي م الهم
ماشيه بالعكس ليه غيرتي خط سيرك
قطر الفراق زاعق ورامح رمح
مفيش محطة فات وعداها
ولكل الحبايب راح لِحداها
شايل و محمل أكفان لكل الأعمار
وساب لنا قلوب بتتحسر على بلواها
يارب هون علينا الفراق ده اصعب جرح
سايق عليك النبي ياقطر لتهدي
تقلت حمولي شيلني علي قدي
كان نفسي أودع اهلي و حبايبي
لكن الأمر لله لابيدك ولابيدي
يا عين نشفت دموعك بزيادة سح
ليست هناك تعليقات:
اضافة تعليق