Flickr Images

Product :

Popular Posts

ليل الغربة

ليل الغربة 

د/ مجاهد المصرى

مستشار وسفير سلام دولي

عاشق البنفسج

 


ياليل الغربة يامسافر

أمانة تبلغه عنى

وقوله إن أنا بعافر

وأغنى من أسى حزنى

وحيد شارد فى دنيايا

وليل البعد عنه طويل

وقوله حكايتى أنا حكايه

وكرهت أنا سواد الليل

لأنه بعدنى أنا عنه

وتعبت غنى ومواويل

ياليل الغربة

بتعذب كتير فى قلوب

بتسهر ليلها صباحى ولا بتوپ

يا ليل الغربة ياتعبنى

وحرمنى من المحبوب

ياليل عذب فينا وعذب

ووعد منى راح ما أتوب

ياليل الغربة

 ياتعبنى أنا وياك

وسهرك قاسى ياليلى وكله هلاك

فرغ صبرى وخلصته أنا وياك

ياليل الصبر وصله إن أنا مجروح

وإن فراقه نال منى

وتعبى خلاص وصل للروح

وأنا بتمنى يتهنى

ولو قلبى ده كله جروح

وإن الهجر خد عقلى

وعذبنى كطير مدبوح

ياليل الغربة

ياليل الغربة لملمنى

وعلمنى بسره ما أبوح

لأن خلاص فاض بيا

ومستنى روايحه تفوح

ياليل الغربة


ليست هناك تعليقات:

اضافة تعليق

جميع الحقوق محفوظة © 2013 مجلة النجوم
تصميم : يعقوب رضا