إفراج
بقلم هلال البنا
قلبي زي عصفور أسير
في القفص له ريش طويل
نفسي يطلع فوق يطير
والأمل مش مستحيل
قلبي يبقى في يوم أمير
بعد إخلاء السبيل
رغم إن اليوم قصير
قلبي شايف ليل طويل
صاحي بس نام الضمير
نام مريض عيان عليل
والصغير قبل الكبير
قالوا ة هيموت الضمير
والأمل في شفاه قليل
قلبي ليه محبوس حزين
والقفص مقفول سنين
ليه أسير ونفسي اطير
والقفص صغير حقير
قلبي فيه مخنوق ضرير
م القفل و الجنازير
والواقف ع الباب غفير
يمنع الطيور تطير
حتى لو إفراج قصير
في الشمال أو في اليمين
قلبي زي عصفور أسير
نفسه يفرح لو قليل
بس ليه غدار يا ليل
غور وهات نور النهار
لاجل يبقى اليوم جميل
يلغي ظني المستحيل
بكره في إخلاء سبيل
والفرج محتاج ضمير
غير كده مافيش دليل
ليه يا دنيا الليل طويل
والأمل باين ضئيل
بس هايكبر بكره أكتر
والفرج مش مستحيل
يبقى فيه إخلاء سبيل
والعصفور ابو ريش طويل
كان ذليل محبوس أسير
راح يطير نهار وليل
وقلبي يبقى حر أمير
في الهوى والجو جميل
والإنشاد والمواويل
والغنى الشعبي الأصيل
بعد إخلاء السبيل
ليست هناك تعليقات:
اضافة تعليق